Ikastolako azken etapan, hainbat prestakuntza-ibilbide eta hautazko ikasgai eskaintzen ditugu, Batxilergoko gure bi modalitateen barruan: Zientzia eta Teknologia, eta Giza eta Gizarte Zientziak. Gero egin nahi dituzten ikasketen arabera, ikasle bakoitzak bere ibilbidea diseinatuko du orientazio akademikorako zerbitzuaren laguntzarekin eta goi-mailako ikasketak aukeratzeko garaian aholkuak emango dizkie.

Zientzia eta Teknologiako Batxilergoa

Etorkizuneko interesen arabera, Zientzia eta Teknologiako Batxilergoko ikasgai komunez gain, ikasle bakoitzak aukeratzen duen modalitateko ikasgaiak egingo ditu: Zientziakoak edo Teknologiakoak.

Giza eta Gizarte Zientzietako Batxilergoa

Etorkizuneko interesen arabera, Giza eta Gizarte Zientzietako Batxilergoko ikasgai komunez gain, ikasle bakoitzak aukeratzen duen modalitateko ikasgaiak egingo ditu: Giza Zientzietakoak edo Gizarte Zientzietakoak.

Academica Corporationekin lankidetzan, goi-mailako zikloko ikasleei diploma Duala® lortzeko aukera ematen dien Donostiako ikastola bakarra gara. Batxilergoko tituluak baliozkotzeko nazioarteko programa ofiziala da eta bi titulazio lor daitezke aldi berean: beraien herrialdekoa eta American High School Diploma. Titulazio hori munduko estatu eta unibertsitate guztietan aitortzen dute.

Dual® diploma DBHko 2. maila eta Batxilergoko 1. maila bitarteko edozein ikasmailatan has daiteke. 6 ikasgai egin behar dira guztira kasu guztietan. Dual® diplomarekin ikasleek Europako curriculumean sartuta ez dauden ikasgaiak ikas ditzakete, hala nola argazkilaritza, kriminologia edo psikologia. Horregatik, ingelesa asko hobetzeaz gain, motibazio gehigarria eta autonomia maila handia ematen die ikasleei.