Etapa bat ixtearen emoziotik, berriz elkartzearen une pozgarrira
2025/06/27
Duela egun batzuk ikastolan momentu berezi horietako bat bizi izan genuen, heztea irakastea baino askoz gehiago dela gogorarazten diguten horietakoa. Alde batetik, emozioz agurtu genituen Batxilergoko 2. mailako ikasleak, beraien bizitzako etapa garrantzitsu bati amaiera emanez. Bestetik, duela hamarkada bat baino gehiago gurekin amaitu zuten ikasle ohien bisita jaso genuen, beti bezala besoak zabalik hartu genituen.
Aurten ere, Batxilergoko 2. urteko ikasleen agur-afaria ospatuko dugu. Oraingoan 2024-2025 promozioari agur esateko. Oso gau berezia, begirada konplizez, oroitzapenez eta esker onez betea. Izan ere, batzuk gure artean egon dira 2 urte zituztenetik! Beste batzuk aurrerago sartu ziren ikastolan, baina, jakina, guztiak EKINTZA Ikastolaren historiaren parte dira. Hazten, ahalegintzen, gozatzen, lagunak sortzen eta pertsona zoragarri bihurtzen ikusi ditugu. Onena opa dizuegu aukeraz betetako etapa berri honetan, eta hau beti zuen etxea izango dela jakin dezazuen nahi dugu. Ikastolako ateak zabalik egongo direla itzuli nahi dutenerako.
Ikasle ohien bisita
Hain zuzen ere, duela egun batzuk ireki genizkien berriro gure ateak hainbat ikasle ohiri. Emozioz hartu genuen EKINTZA Ikastolan 2012-13 eta 2013-14 ikasturteetan amaitu zuten bi promozioren bisita. Berrelkartze berezia izan zen, 50 ikasle ohi ingururekin. Izan ere, pasilloetan barrena ibili ziren berriro, bertan hazi, ikasi eta partekatu zituzten hainbeste bizipen berreskutatuz.
Eguna ongietorri bero batekin eta irribarreak eta oroitzapenak piztu zituen oparitxo batekin hasi zen: ikastolatik pasatako une ahaztezinak biltzen zituzten argazki eta bideoz betetako oparia. Ondoren, instalazioetan zehar ibili ginen. Gaur egun pixka bat aldatuta daude, baina betiko esentzia gordetzen dute, eta, une batez, pertsona gisa trebatu eta sortu ziren urte haietara eraman zituzten. Topaketa amaitzeko, pintxo batzuk eta, batez ere, elkarrizketa asko partekatu genituen.
Benetan esperientzia polita izan zen. Gertukoak sentitzen ditugu, harreragatik eskertuta, eta urte haiek berpizteko gogoz. Eta guretzat, haien ibilbideak entzutea eta gaur egun bizitzako zein puntutan dauden jakitea, izugarri pozgarria da. Harro egoteko modukoa da ikustea nola jarraitzen duten aurrera ilusioz, balio sendoz eta munduari begiratuz.
Bi une hauek –agurra eta berrelkartzea– gure sentimenduaren froga dira, EKINTZA Ikastolan gure ikasleak beren ibilbideetan laguntzen baititugu, baina ez hori bakarrik, denboran irauten duen komunitate bat eraikitzen dugulako. Partekatutako esperientziak, balioek eta elkarrekiko maitasunak elkartutako familia gara eta.
Eskerrik asko bihotz-bihotzez, ikasle ohi maiteok, etxera itzultzeagatik. Eta graduatu berri zaretenok, zorte on zuen bide berrian. Bisita gaitzazue nahi duzuenean!
